Poorskimi tusarnaartitsineq imaannanngitsoq Katuami
Katuami apriilip 19-ianni 20-annilu tusarnaartitsinissani marluusuni nipilersukkat erinarsukkallu assigiinngitsut tusarnaarneqarsinnaapput, taakkunani pingaarnertut taaneqarsinnaalluni Charles Gounod-ip tusarnaaruminartuliaa Skt. Cæciliemesse.
Katuami tusarnaartitsinerni Islandip Symfoniorkesteriini tusarnaartitsinerni aqutsisuusartoq inunnik sunniisinnaalluartoq Sígrun Edvaldsdottir aqutsisuussaaq.
Erinarsortartut kakkalluinnartut pingasut tusaarusukkaanni aamma tusarnaariartoqarsinnaavoq.
Qataannermik erinarsortartoq inuusuttoq Signe Sneh Schreiber, arlalinnik nersornaatisisimasoq, qatituumik erinarsortartoq nunani tamalaani ilisimaneqartoq Teit Kanstrup aamma qatituup tulleertartoq Jan Lund, nunani tamalaani operamik erinarsortartuunermi saniatigut Danmarkimi operamik erinarsornermik suliniuteqartarsimasoq erinarsoqatigiissapput.
Erinniarsuarnik operamillu nuannarisaqaraanni imaluunniit nipilersornermik immikkut ittumik qaqutigoortumik tusarnaarusukkaanni, Katuami Inersuarmi Hans Lynge-mi apriilip 19-ianni 20-annilu tusarnaariartoqarsinnaavoq.
