Poorskernera Maniitsumi Qaqortumilu tillinniat atorluarpaat

Maniitsumi video-erniarfik unnuaq tillinniarfiusimavoq, inimi qullermi igalaaq aserorlugu Hotel Toppen-iusimasukkut iserluni tillinniartoqarsimalluni, taama Maniitsumi politiit nalunaarput.

Videoerniarfimmi aningaasat 8.000 koruunit oqarasuaatinullu angallattakkanut atortut Tusass-it 3.000 koruunit nalingi tillilnneqarsimapput.

Maniitsumi politiit neriupput kikkut tillinniartuusimanerat Tusass-inik tuniniaasut kikkuunerisigut paasisinnaajumaarlugu.

Maniitsumi videobutikki siornatigut taamatut tillinniarfiusimanngilaq, ullunili makkunani Hotel Toppeniusimasoq allanngortiterneqarpoq, inoqannginneralu tillinnianit ulluaq aqqarnup-qeqqata ullaarlu arfineq-pingasut akornanni atornerlunneqarsimavoq.

Qaqortumi Brugseni aamma tillinniarfiusimavoq. Tassani illumi suliaqarneq aamma atornerlunneqarsimavoq, kælderimut putuliaq atorlugu tillinniat isersinnaasimallutik.

Immiaaqqat imigassallu kimittuut tillinneqarsimapput. Qaqortumi politiit ilimagaat kikkut tillinniartuusimanerat erniinnaq paasisinnaassallugu.