Pompeo Berlinimi: USA-p Nato Ruslandimut Kinamullu nukittunerutikkusuppaa
Berlinimi qarmarsuaqarunnaarneranit ukiut 30-nngortorsiornissaanut amerikamiut nunanut allanut tunngasunut ministeriat, Mike Pompeo ullumi Berlinimiippoq, taassuma Nato nukittunerusumik ineriartorlunilu allanngortariaqartoq taamaanngippallu pisoqalivallaassasoq oqaatigaa.
- Peqatigiit Natop pilersinneqarneranit ukiut 70-t qaangiuttut ineriartortariaqarput. Taamaanngippat Nato sunniutikillinngikkuni pisoqalissaaq, Pompeo oqarpoq.
Taassuma Kinamit Ruslandimiillu sioorasaarisarnerit ilanngullugit mianersoqqussutigai.
Pompeop Berlinimi oqalugiarnermini Rusland politikkikkut akerlerisaminut iliuuseqartarnera isornartorsiorpaa Kinallu “isornartorsiuisunut periaaseqartarnera” Qarmarsuaqarunnaannginnerani Tysklandip kangianeersut iliuuseqarfigineqartarnerannut assingunerarlugu.
- Europa præsident Vladimir Putinimik malerutiinnalersikkusunngilarput, amerikamiut nunanut allanut tunngasunut ministeria oqalugiarnermini oqarpoq.
Qarmarsuaqarunnaarnerata ukiuni 30-nngortorsiortinneqarnera Berlinimi assigiinngitsunik aaqqissuussisoqarneratigut malunnartinneqassaaq.
