Politimesteri: Isornartorsiuineq tunngavissaqanngilaq

Pinerlussimasut eqqartuussaareersullu utaqqisut amerlavallaalersimanerat unnerluussisussaatitaasunit assortorneqanngilaq, taamaattoq utaqqisut ikilisinneqarnissaat unnerluussisussaatitaasut kisimik akisussaaffiginngikkaat oqariartuutigineqarpoq.

Inuiaqatigiinni kiffartuussinissamik pineqaatissinneqarsimasunut suliffissatut taaneqarsinnaasut atorneqarluarsinnaanerat arlalinnit oqaatigineqartoq radioaviisimi ulluni arlalinni sammivarput.

Nunatsinni politimesteri, Bjørn Tegner Bay tamanna pillugu ima oqarpoq.

- Inuiaqatigiinni kiffartuussinissamik pineqaatissiinissamik siunnersuuteqartarsimannginnitsinnik isornartorsiuineq tunngavissaqarsorinngilara. Inuiaqatigiinni kiffartuussinissamik pineqaatissiineq pitsaasuuvoq, pinerluuteqarsimasunullu inissiisarfinnut utaqqisut ikilisinneqarnissaannut aqqutissaalluni pitsaasoq. Inuiaqatigiinnili kiffartuussinissamik siunniussaqaraagatta, aatsaat taamaaliortarpugut tamatumunnga tunngavissaqarluaraagatta, Bjørn Tegner Bay oqarpoq.

Inuiaqatigiinni kiffartuussinissamik innersuussinerit unnerluussisussaatitaasunit piumasarineqartut amerliartornissaat ilimagineqarsinnaasoq, Bjørn Tegner Bayip naqissuserpaa.

- Inuiaqatigiinni kiffartuussinissamik pineqaatissinneqartartut ikippallaarnerinut pissutaasinnaavoq eqqartuussivinnut suliassanngortitat aalajangigassallu amerlavallaalersimanerat. Inuiaqatigiinni kiffartuussinissamik pineqaatissiisinnaaneq ukiuni marlussunni aatsaat atuuppoq, ukiuni taakkunani kiffartuussinissamik piumasaqaatigisimasagut amerlangaatsiartut utaqqisinneqannguatsiarput. Piumasaqaatitta utaqqisitaanerinut pissutaalluarsinnaavoq pinerluttut eqqartuussaanissaminnut utaqqinerminni pinerloqqittarnerisa kingunerinik eqqartuunneqarnerminni inuiaqatigiinni kiffartuussisussanngorlugit eqqartuussivinniit inissiisarfinniittussanngortitaasarneri.

Inuiaqatigiinni kiffartuussisarnissamik pineqaatissiisarnerit unnerluussisussaatitaasunik qanoq iliuuseqarfiginiarneqarneri unnugu radioaviisimi sukumiinerusumik tusarfigineqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat