Politikkimi suliat utaqqisittariaqarput

Inatsisartut ataatsimiittarfiat, Namminersorlutillu Oqartussat allaffissuata ilaa, oqoqalersimaneranik pasitsaassaqarneq pillugu, Inatsisartut ataatsimiinnertik Inatsisartut ataatsimiittarfianni ingerlassinnaajunnaareeraallu, maanna Inatsisartut upernaammi ataatsimiinnerata sinnera pingaarnersiorfigineqartariaqalerpoq.

Sullivimmi Nakkutilliisut Namminersorlutik Oqartussat illuata oqoqalersimaneranik, pasitsaassaqareersullu taama pisoqarpoq.

Inatsisartut upernaakkut ataatsimiinerat, ullunik sisamaannarnik amigaateqaleruttortoq, ataatsimiissutissanik pingaarnersiuisoqartarialersoq, Inatsisartut siulittaasuannit Josef Motzfeldimit ima nassuiaateqarfigineqarpoq.

- Inatsisartunut ilaasortat siunnersuuteqarput, suli ilaatigut nammassineqanngitsunik. Naalakkersuisut Inatsisissanik imaluunniit nassuiaatinik, suli naammassinngitsunik peqarput. Taamaammat gruppit Naalakkersuisullu, massakkut aperineqarput: - Suut, upernaakkut ataatsimiinermi naammassineqaqqullugit, inuiaqatigiinni pisariaqartilluinnarpat?

Massakkut utaqqisarput tassaavoq gruppininngaaniit aamma Naalakkersuisuniit tusassallugu, suut pinngitsooratik upernaaq manna oqaluuserisassatut isigineraat.

- Taamaaliortoqareerpat siulittaasoqarfiup oqaluuserisassat misissoriarlugit, Inatsisartunut saqqummiutissavaat, Josef Motzfeldt oqarpoq.