Politikkikkut sorsunnermik imartalerngusaanneq aaqqinneqassaaq
Naalakkersuisut siulittaasuat Kuupik Kleist oqarpoq.
Russit sakkutuui kigaallassaatillit Sikuiuitsumut nunnigussaaniarput, taamaalillutik Qalasersualerngusaannermi nukinnik takutillutik. Immap naqqata misissoqqissaarnissaanut Canadamiut piareersaleruttorput. FNip aalajangersagaa tunngavigalugu tamanna aaqqinneqartariaqartoq Naalakkersuisut siulittaasuat Kuupik Kleist oqarpoq. Nunat pissaanilissuit nukissornerat takoqqusaarutaannartut isigineqartariaqartoq Canadap nunanut allanut ministeria oqarpoq, Naalakkersuisut siulittaasuata Kuupik Kleistip taamatut isumaqarneq isumaqatigaa.
- Takorlooruminaatsippara, ullutsinni sakkutuulersuunnikkut issittumi imartalerngusaanneq aalajangiiffigineqassasoq. Taamaattoqassangaluarpat kukkurujussuarsimassaanga, tassami ukiuni arlalinngortuni naalagaaffiit issittumi sineriallit suleqatigiipput. Sakkutuulersuunneq pinnagu politikkikkut Kalaallit Nunaat sorsussaaq, taamaalillut soqutigisavut illiersussavagut, tassami oqalliseqataanissarput pingaaruteqarmat.
Kuupik Kleist oqarpoq.
Issittup imartaa pisussutinik peqarluartoq nunat issittumi sineriallit ilisimalereerpaat. Pisuussutinik iligiinissaminut Kalaallit Nunaat qanoq piareersimatiga aamma qanoq iliuuseqarsinnaava?
- Issittumi imartalerngusaaneq nunalerngusaannerlu FN-ip aalajangersagaa malillugu suliarineqassaaq, aammalu tamanna nunani ilaasortaasuni isumaqatigiissutaavoq. Canadap nunanut allanut ministeria isumaqatigaara oqarmat russit pissusilersornerat takoqqusaarutaannaasoq.
Immap naqqata assiliortorneqarnerani Canadap kissaatigigaluarpaa russit peqataanissaat. Taamaattoqaranili. Canadamiut russillu iliuusaat pilerpoq FNip sulinerata arriippallaamik ingerlanneqarnera pissutigitinneqarluni.
