Danmarkimi politikkikkut pisunik malinnaasut pissangasorsuupput. Ministeriuneq Anders Fogh Rasmussen tusagassiortunik massakkorpiaq katersortitsivoq.
Tusagassiortunik katersortitsinermi ministeriunerup Anders Fogh Rasmussenip, aningaasarsiornermut aamma inuussutissarsiorneq pillugu ministerip Bendt Bendtsenip kiisalu aningaasaqarnermut ministerip Thor Pedersenip inuiaqatigiinni pitsannguutissatut pilersaarutertik 2015–ip tungaanut ingerlasussaq saqqummiunniarpaat.
Akileraarutit annikillinissaat ilimagineqarpoq. Konservativit ilungersuutigiuarsimasaat maanna piviusunngortussanngorunartoq TV2-mi nutaarsiassat nalunaarutigaat.
Konservativit piumasariuarsimavaat akissaatigissaartut akileraarutaat annikillineqassasoq. Anders Fogh Rasmussenip aamma Bendt Bendtsenip maanna 1,5 milliardi koruunit utoqqalinersiallit pisortanillu pisartagallit akileraarutaasa annikillinissaannut atorneqartussatut illuartissimagaat nalunaarutigineqarpoq.
Partiit illuatungiliuttut nuannaanngilluinnarput.
Morten Bødskov socialdemokratit aningaasaqarneq pillugu oqaaseqartartuat TV2-mut ullaaq manna oqarpoq pisortatut atorfillit 8000 koruuninik peqarnerulernissaat illuatungaanilu peqqissaasunut ikiortit annerpaamik 2000 koruuninik aningaasaateqarnerulernissaat – assigiinngisitsinerusoq akuerineqarsinnaanngilluinnartorlu.
