Assi: Kalaallit Airports A/S

Politikkikkut nalornisitsineq mittarfiliortiternissamut suliarinnikkusussuseerutsitsisoq

Mittarfiliortiternissamut suliarinnittussarsiuussinermi neqerooruteqaraluartoq MT Højgaard politikkikkut nalornisitsinerup kingunerisaanik suliarinnikkusukkunnaarluni tunuarpoq.

Nuummi Ilulissanilu mittarfiliortiternissamut aqqusinniornissamullu suliarinnikkusullutik nalunaartut pingasuinnaapput, naak suliffeqarfiit arfinillit suliariumannissinnaasutut akuerineqarsimasutut nalunaarsorsimagaluartut. 

Suliarinnikkumasutut tunuaannartut ilagaat MT Højgaard, taakku suliassanik arlaleriarluni kinguatitsisoqarnera peqqutigalugu tunuarput, MT Højgaardimi pisortaq Jóannes Niclassen oqarpoq.

- Suliniummut nererooruteqarussuaaraluarpugut, arlaleriarlutilli kinguartitsipput, uagullu allanik suliassaqarpugut, taamammat sulisutta suliassamik utaqqiinnarnissaanik piffissaqannginnatta tunuarpugut, Jóannes Niclassen oqarpoq.

Taassuma oqarnera naapertorlugu, sulisut, allamik suliaqaratik suliniummik suliaqartussatut tallimat arfineq marluusussaagaluartut, suliariumannitussarsiuussinerli arlaleriarlugu kinguartinnerqarmat MT Højgaard tamatumunnga piareersimajunnaartoq.

Kalaallit Airport mittarfissanik piginnittuuvoq. Suliariumannillutilli neqerooruteqartut tassangaanniit tusagassiuutinut nalunaaruteqaqqaarnermini nuannaarutigineqarput, neqerooruteqartulli amerlanerusimanisaat neriuutigisimallugu maanna nassuerutigalugu.

- Pingasuinnaat suliaqarusullutik neqerooruteqarnerat ajuusaarnarpoq. Amerlanerusunik neqeroortoqarsimagaluarpat unammineq malunnaateqarnerusimassagaluarpoq, Kalaallit Airportimi pisortaaneq Peter Wistoft oqarpoq.

AAMMA ATUARUK Mittarfissanut suliniutini suliarinnikkusuttut pingasut Kalaallit Airports neqeroorfigaat

Mittarfiit takissusissaat aningaasalersuinerlu

Partii Naleraq mittarfiit naannerunissaannik siorna kissaateqarnermikkut politikkikkut nalorninartorsiortitsilerpoq. Tamatuma saniatigut danskit naalagaaffiat naalakkersuisullu mittarfiliortiternissamut aningaasaliissutissat oqallissutitgaat, ilaatigut suliniummut aningaasaliinissamik nalornisitsinermik kinguneqartumik. 

Tamakkulu mittarfiliortiternissamut aqquserniornissamullu suliaqarusullutik neqerooruteqartut taama ikitsiginerannut peqqutaasut, Kalaallit Airportsimi pisortaaneq isumaqarpoq.

- Suliniutit 2018-imi politikkikkut nalorninartorsiutaapput, tamatumalu kingunerisaanik suliat utaqqisinneqartariaqarsimapput, mittarfiit ilumut pilersinneqassanersut qanorlu takitigissanersut apeqquserneqarmat, Peter Wistoft oqarpoq nangillunilu:

- Inatsisartut tungaanniit nalornisitsisoqalerpoq, taamaammat suliaq sivitsorpoq, suliariumannikkumasut sulisuminnik utaqqisitsinerannik kinguneqartumi, tamannalu ajuusaarutigiinnarsinnaavarput, uagulli taama pisoqarnera aqussinnaanngilarput.

imminut qiviarneq 

Sulialli svitsortoornera pissutigalugu Kalaallit Airportimi aamma imminnut qiviartarisaqalersimapput. Tassami naak miffissaliortiternissamut aqquserniortiternisamullu suliariumannilluni neqerooruteqartoqareeraluartoq, tikiffissanik sullissinermilu illorsualiortiternissamut suli siariumannittussarsiortoqanngilaq.

- Suleriaaserput pitsaasuusimanersoq imaluunniit suliariumannittussarsiornissarput tulleq allaanerusariaqarnersoq siulersuisuni pisortaqarfimmilu nalilersussavarput, Peter Wistot oqarpoq.

 

MT Højgaard suliariumannittussarsiornernermut erloqigaluarluni, suliassanut taakkununnga neqerooruteqarnissamik kissaateqarpoq .

- Neriuutigaara aallartarfiit tikittarfiillu illorsuillu allat suliarinnittussarsiuunneqalerpata neqeroorsinnaassalluta, MT Højgaardimi pisortaaneq Jóannes Niclassen oqarpoq.

BAM International Hollandimeersoq, Pennecon Dexter Joint Venture Canadameersoq kiisalu Munck Gruppen Danmarkimeersoq neqerooruteqartuupput,

AAMMA ATUARUK Kinamiut ingerlatseqatigiiffissuat nunatsinni mittarfiliortiternissamit tunuarterpoq

Aarsleff neqerooruteqartussarsiuussinermi siusissukkut tunuarpoq, MT Højgaard aamma China Communications Construction Company Ltd. kingusinnerusukkut aamma tunuarput.

Aarsleffip suliarinnikkusukkunnaarnerminut pissutaasoq oqaatigiumanngilaa,CCCC-miillu oqaaseqartitsiniarnerput iluatsinngilaq.

Ilulissani Nuummilu mittarfissualiornisat saniatigut aamma qaqortumi mittarfiliortoqassaaq.

Mittarfiit 2023-imi atuutilersimanissaat Kalaallit Airportimit naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat