Politikikkut akerlilersortaasut toqutsisuusimassapput

Toqutsinermik paasiniaasut qullersaat, Petros Garibjan, tusagassiorfinnut nalunaaruteqarpoq toqutsineq politikkimik tunngaveqartoq, toqutsisimasullu ilimagalugit tusagassiortumik allamik, tassa Amerikami inunngorsimasumik Ruslandimi atuagassiami Forbes-imi aaqqissuisuusimasumik, Paul Klebnikov-imik, aamma toqutsisimassasut. Paul Klebnikov 2004-mi toqutaavoq.

Toqutsisimasunik paasiniaasartut qullersaat nalunaarpoq inuit aqqanillit unnerluutigineqartut taakkunanngalu qulit tigusarineqarsimasut, toqutsisimasullu kinaanera paasisimagitsik, taannali tigusaasunut unnerluunneqartunulluunniit ilaanngitsoq, tigusarineqartullu toqutsinissamut piareersaaqataasimasutut pasineqartut. Petros Garibjan-ip toqutsineq kiap imissutigisimasinnaaneraa eqqoriaqattaarusunngilaa, arnalli tusagassiortup atuakkiani allaaserisartakkanilu pillugit toqutaasimanissaa ilimagigini.

Anna Politskovskaja Moskvami iniminut majuartarfimmini siorna oktobarip ulluisa arfineq aappaanni, aallaaneqarluni toqutaavoq.