Politikerit sisamat politiinut nalunaarutigineqarput
Politikerit nuimasut Siumumeersut sisamat, pisortat aningaasaataannik atornerluisimasutut politiinut unnerluutigineqartut, Atuagalliutini ullumi saqqummersuni allaatigineqarpoq.
Allattoq Elisa Isaksen
maajip 26-at 2009 08:30
Taakku tassaapput naalakkersuisut siulittaasuat Hans Enoksen, siornatigut Inatsisartuni siulittaasoq Jonathan Motzfeldt, siornatigut naalakkersuisunut ilaasortaq Jørgen Wæver Johansen aamma naalakkersuisunut ilaasortaq Tommy Marø.
Atuagalliutini allaaserisaq najoqqutaralugu innuttaasut naammaginninngitsut ilaat unnerluussisuuvoq, tamatumanilu politikerit nuimasut ilassinninnermut aningaasaliissutinik atornerluisarnerat pillugu aviisimi allaaserinneqattaarnerit tunngavigineqarput.
