Politikerit issittuneersut ataatsimiittut
Ataatsimiinnermi pingaarnertut sammineqartussat ima oqaluttuarai:
- Inuuniarnikkut pissutsit allanngoriartortut, taavalu tulluussarsinnaassutsip pingaaruteqassusaa eqqartorneqarput. Isumaqarpunga tamakku pingaaruteqartorujussuusut taassallugit. Nunani issittuni politikerit taamatut suleqatigiinnermikkut aqqutissanik nutaanik ujarlersinnaanissaat periarfissatsialaasoq isumaqarpunga, Juliane Henningsen oqarpoq.
Juliane Henningsen nunani issittuni inatsisartut ataatsimiinneranni peqataarngaarpoq, Danmarkilu sinnerlugu ukiaru isumasioqatigiissitseqataasussaagami Rovaniemimi ataatsimiinneq ilikkagaqarluarfigalugu unnersiorpoq.
- Inuit misilittagartuut akornanniilluni nuannersorujussuuvoq, pingaartumillu issittumi misilittakkat eqqaassagaanni. Politikerit ilisimatuullu suleqatigiillutik angusaat ilikkagaqarfigisimallugit maanngaanniit angerlarsinnaallunga, Juliane Henningsen oqarpoq.
- Isumasioqatigiinnermik ukiaru aaqqissuusseqataasussaavunga, ataatsimiinnermilu sammisavut atorsinnaassallugit. Silap pissusaata allanngoriartornerata kingunerisaanik aqqusaartukkagut aallaavigalugit aaqqissuisussaassaagut, Juliane Henningsen oqarpoq.
