Pissutsit taamaannerat pisortat suliffeqarfiutaannut artukkiisinnaavoq, utoqqaammi sullinneqartut amerliartorput inuttaasullu soraarninngortut amerliartuinnarlutillu sivisunerusumik soraarnerusalermata.Assi: Pedro Pimentel/flickr

Politikerit aarlerisaarisut: Sydkoreami toqusut inunngortunit amerlanerupput

Korea Kujalliup oqaluttuarisaanerani 2020-mi innuttaasut aatsaat taama ikileriartigipput. Tassani politikerit aarleripput.

Korea Kujalliup oqaluttuarisaanerani 2020-mi toqusut inunngortunit atsaavissuaq amerlanerupput.

Nutaarsiassaqartitsivik BCC ataasinngornermi taama allappoq.

Korea Kujallermi inunngortut nunarsuaq tamakkerlugu ikinnerpaat ilaanneereertarmata, nunami tassani politikerit tamanna ernumanartoqartinnerarpaat.

Korea Kujallermi siorna inunngortut katillutik 275.000-upput, taakkualu 2019-imi inunngortunit 10 procentinik ikinnerupput. Nunami tassani 51 millionit missaannik inulimmi toqusut 307.764-it missiliorpaat.

Korea Kujallermi nunamut namminermut tunngasunut ministerip kisitsisit ernumanartoqartippai, tassungalu atatillugu politikkip allannguiffiuinissaa piumasarilerpaa, innuttaasummi ataatsimut isigalugu ikiliartornerat nunamut taassumunnga artukkiisinnaammat.

Pissutsit taamaannerat pisortat suliffeqarfiutaannut artukkiisinnaavoq, utoqqaammi sullinneqartut amerliartorput inuttaasullu soraarninngortut amerliartuinnarlutillu sivisunerusumik soraarnerusalermata.

Inuusuttullu ataatsimut isigalugu ikiliartornerat suliffeqarfiit sulisussaaleqilersinnaapput, Korea Kujalliullu aningaasarsiornera eqqorneqarnerlussinnaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat