Sulisitsisut: Politikerit aalisartunik kiisami paasinnipput

Kiisami politikerit paasinnissimapput! Taama ersaritsigisumik sulisitsisut GE'p Aalisarnermut Nunanullu allanut niuernermut ataatsimiititaliaa nalunaarpoq.

Ataatsimiititaliami siulittaasoq Søren Brandt Inuit Ataqatigiit aalisarneq pillugu siunnersuutaasa ilai pillugit taama oqarpoq. Isumaqarlunilu neriorsuisimanermittut tusaaniarluarnerusimagaatsik.

- Eqqarsarpunga qujanaqaaq inuussutissarsiutitsinni ajornartorsiutivut paasilersimagaat, Søren Brandt oqarpoq. Taassuma eqqartungaa tassa pisassiissutit utertinnissaannut ukiunit tallimaniit 15-inut qaffaaneq, naalakkersuisoqatigiimmi siullermik ukiut tallimat siunnersuutigigaluarmatigit.

AAMMA ATUARUK Pisassiissutit ukiuni 15-ini atuuffeqalissapput

- Inuussutissarsiutinik imaaliallaannaq aallartitsisoqarsinnaanngitsoq paasisimarpasippaat.

- Aningaasarpassuit pisariaqartinneqartarput, aammali aalisartutut inuussutissarsiorneq nalorninartoqartarpoq, taamaattumik ukiunut 15-inut qaffaaneq inuussutissarsiummik pilersaarusiornissamut ingerlatsinissamullu toqqissisimanarpoq.

Naak Inuit Ataqatigiit siunnersuutertik pillugu politikkikkut suli amerlanerussuteqanngikkaluartut, mianersortumik GE'p ataatsimiititaliaanit tapersersorneqarput.

- Ukiut tallimat piviusorsiunngillat sivisunerusariaqarpoq. Ukiut 15-it uannut ajorpasinngilaq, tassa ikinnerpaamik ukiut 15-it.

Siunnersuummi Søren Brandtip malugisimavaa nunani allani najugaqareerluni Kalaallit Nunaannut angerlarniaraanni inuussutissarsiummut uternissamut malittarisassat qasukkarniarneqartut.

- Inuttanut malittarisassat pillugit ajornartorsiutinik nassuiaakkatsigit paasisimammatigit aamma nuannaraara. Søren Brandtip isummersuisitsisussanik pilersitsinissamut siunnersuut periarfissalittut isigivaa. Taassuma neriuutigaa inuussutissarsiummeersut peqatigalugit Kalaallit Nunaanni aalisarneq pillugu politikerit siunissamut ungasissumut isigisunik pilersaarusioqatigiissasut.

 

AAMMA ATUARUK Fiskerilov og lufthavne må vente på valg

 

Isummersuutit