Præsident Trumpip tikeraarnissaminik taamaatitsinermini Mette Frederiksenip Kalaallit Nunaannik tunisiumannginneranik pissuteqarnerarmagu tamanna danskit politikeriisa mamiatsannarnerarpaat.Assi: Kevin Lamarque / Reuters / Ritzau Scanpix

Politikeri: Trumpip taamaatitsiinnarnera mamiatsannarpoq

Meerarpaluk. Ajuallannaq. USA-p præsidentiata septemberip ulluisa aappaanni pingajuannilu Danmarkimut tikeraarnissaminik taamaatitsinera pillugu qisuariaatit ilai taama nipaqarput, tikeraarnissaminut taamaatitsineranut pissutaanerarpaa, Kalaallit Nunaata USA-mit pisiarineqarnissaannut ministeriunerup Mette Frederiksenip itigartitsisimanera.

Uissuumminarpoq. Kunngikkormiut tusagassiuuteqarnermut pisortaat, Lene Balleby taama oqarpoq, taassuma uppernarsarpaa, USA-p præsidentiata Donald Trumpip Danmarkimut pisortatigoortumik sapaatit akunneri marluk qaanngiuppata tikeraarnissani taamaatissimagaa. 

Dronning Margrethe præsidentip tikeraarnissaanut qaaqqusisuugaluarpoq.

Folketingemi ilaasortat præsidentip tikeraarnissaminik taamaatisinera mamianartutut taavaat.

- Tikeraarnissaraluara sukkasoorujussuarmik piareersarneqarpoq, maannalu meerarpaluttorujussuarmik Trump qisoriarpoq.

Piumasani pinngikkuniuk soqutaanngilaq. Allaanngilaq meeraq nukatsitaq.

AAMMA ATUARUK Trumpip Nunatta tunineqarnissaata itigartitsissutigineqareerneratigut tikeraarnissani kinguartikkaa

Taama oqarpoq, Dansk Folkepartiip Folketingemi Kalaallit Nunaat pillugu ataatsimiititaliami ilaasortaq aamma partiimi siulittaasup tullia Søren Espersen Trumpip tikeraarnissaminik taamatitsinera pillugu.

Lidegaard: Oqallisigisariaqarparput

Danmarkimi nunanut allanut tunngasunut ministeriusimasoq Kristian Jensen isumaqarpoq, Danmarkip USA-llu akornanni aallartitaqarnikkut ajornartorsiornermik pilersitsoqartoq, konservativiillu Kalaallit Nunaat pillugu oqaaseqartartuata Rasmus Jarlovip Trumpip pissusilersornera mamiatsannartutut taallugu.

- Qallunaajulluni aamma konservatiiviulluni paasiumaatsorujussuuvoq.

Tunngavilersuutissaqarani nunagissata ilaanik tunisisinnaasoraatigut, Rasmus Jarlov attaveqatigiittarfikkut Twitterikkut pingasunngornermi ullaakkut taama allappoq.

Nunanut allanut tunngasunut ministeriusimasoq Martin Lidegaard Radikalineersoq Trumpip tikeraarnissaminik taamaatitsineranut tupigusuppallaanngilaq.

Østergaard: Tatiginninngitsoq imminut nuannarisoq.

Radikaalit siulittaasuta Morten Østergaardip Twitterikkut allalluni oqarpoq, takorluukanik qaangiinerisoq.

Pernille Skipper Enhedslistenimi politikikkut oqaaseqartartoq Twitterikkut ima allappoq.

- Trump nunarsuarmi allami inuuvoq. Imminut nuannarisuuvoq tatigisaqaranilu.

USA-p præsidentia Trump attaveqatigiittarfimmi Tweetimi allappoq, Danmarkimut pisortatigoortumik tikeraarnissani kinguartillug neriullunilu piffissami allami tikeraarumaarluni.

Danskit ministeriunerata Mette Frederiksenip Trumpip Danmarkimut tikeraarnissaminik taamaatitsinera pillugu suli oqaaseqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat