Politikeri nuimasoq unnerluutigineqarpoq

Politikeri nuimasoq Namminersornerullutillu Oqartussat suliffiutaanni pisortat arlaat, kinguaassiutitigut kanngunarsaasutut politiinut unnerluutigineqartut, Sermitsiaq nittartakkamini allappoq.
Allattoq Mads Lynge
januaarip 10-at 2008 15:26

Arnap Inatsisartut Allattoqarfianni atorfillip inuit marluk kinguaassiuutitigut kanngunarsaasutut unnerluutigai. Angutip nalunaarutigineqartup aappaa politikeriuvoq nuimasooq, aappaalu suliffeqarfimmi anginerusumi pisortaalluni.

Naapertuilluanngitsumik iliornerit pisimanerarneqarput 2007-imi upernaakkut politikerip nuimasuup angerlarsimaffiani, sulianut tunngasut pillugit ataatsimiittoqarnerani.

Ilisimannittut arlallit naapertorlugit arnaq, Inatsisartut Allattoqarfianni atorfilik, qinnuigineqarsimavoq politikerip nuimasup angerlarsimaffianukaqqullugu, inuit allat peqatigalugit ataatsimiinnissanik aaqqissuussisoqassammat.

Arnap naapertuilluanngitsuliorfigineqarnini imatut attortinneqaatigitigaa allaat arlaleriarluni Rigshospitalip pinngitsaalineqartunut Centeriani katsorsartissimalluni.

Paasisaqarfiit arlallit naapertorlugit arnap naapertuilluanngitsuliornerit Nuummi Politiinut nalunaarutigai, politiilli paasiniaaneq unitsissimavaat isumaqaramik pisimasoq suliassartaqanngitsoq.

Paasisaqarfiilli tutsuviginartut naapertorlugit politiit aalajangernerat arnap naammagisimanngilaa taamaattumillu Naalagaaffiup Eqqartuussissuserisuanut maalaaruteqarsimalluni.

Sermitsiaq nittartakkamini taama allappoq.