Politikeri: Inatsisartunut ilaasortat ikililik

> Taamatut siunnersuuteqarneq piviusorsiorsoraajuk< ? aperaarput, akivorlu:

- Politikkikkut Nunatsinni ineriartornerput eqqarsaatigalugu piviusorsiorsoraara, tassami kommunit ikilisereerpavut, nunaqarfinni aqutsisut ikilisereerpavut, tullinnguuttariaqarpoq Inatsisartunut ilaasortat ikilisinneqarnissaat, aammalu Inatsisartut ataatsimiittarnerat tuaviupiluttutut isigisarpara, taamaattumillu aamma pifissaqarluarnerullutik, ataatsimiittarneq siaarnerullugu, ataatsimiittalernissaat pisariaqartutut isigaara, Isak Hammond oqarpoq.

< Nunarput isorartoorsuummat inukillunilu demokratiimik nukilaallisissanngilaa>? aperaarput, ima akivoq:

- Tamanna naatsorsuutiginngilara! Politikkikkut ineriartornitsinni killiffigisimasatsinni pissusissamisuuginnartutut isigaarput politikerit suli ikinnerulissappata, aamma politikerit tassaasariaqarput suliaminnik sapinngisamik piffissaqarluartumik maannakkumut naleqqiullugu ingerlatsisartussat, tassami Inatsisartunut ataatsimiittarnerit tuaviupiluttutut ingerlajuartut maanna unittariaqalerput, piffissami sivisunerusumi ataatsimiittalernissaat siunissami pisariaqarpoq. Tamakkuupput inuiaqatigiinni maannakkut eqqartortariaqakkavut, Isak Hammond naggasiivoq.