Politiiusimasoq George Floydimik toqutsisimasutut pisuutinneqartoq
Politiiusimasoq qaamasumik amilik, Derek Chauvin, ukiuni 40-ni paarnaarussassanngortinneqarluni qaammatit marluk qaangiuppata aalajangiisoqarpat pillagaasinnaavoq.
Chauvin toqutsisimasutut eqqartuunneqarnermini pisuutitaammat, inuit hunnorujulikkaat eqqartuussiviup silataani katersuussimasut nuannapput, eqqartuussaasulli kiinaa allanngunngilaq.
Allattoq Ritzau
apriilip 21-at 2021 08:59
Nutserisoq Bibi Nathansen
Politiiusimasoq Derek Chauvin taartumik amilimmik George Floydimik toqutsisimasutut eqqartuunneqarnermini pisuutinneqarpoq.
Eqqartuussinermi aalajangeeqataasut isumaqatigiittut taama marlunngornermi inerniliipput.
George Floyd politiinit peqqarniitsumik tigusarineqarnermini Minneapolisimi ukioq kingulleq toquvoq.
AAMMA ATUARUK George Floyd arnami iliviata saniani ilisaassasoq
Chauvin ukiuni 40-ni paarnaarussassanngortinneqarluni qaammatit marluk qaangiuppata aalajangiisoqarpat pillagaasinnaavoq.
Chauvin toqutsisimasutut eqqartuunneqarnermini pisuutitaammat, inuit hunnorujulikkaat eqqartuussiviup silataani katersuussimasut nuannapput, eqqartuussaasulli kiinaa allanngunngilaq.
Nutaarsiassaqartitsivik Ritzau taama allappoq.
