Assi: Rigspolitiet

Politiitut ilinniarfik nutaaq aallartittoq

Kalaallit Nunaanni politeqarnikkut oqaluttuarisaaneq nutaaq ippassaq aallartippoq.

Politiitut ilinniarfimmi ilinniartut nutaat ippassaq ilinniakkamik basisiusumik nutaamik ippassaq aallartipput.

Ilinniagaq nutaaq Danmarkimi politibasisuddannelsep assingaa. Taamaallaat Nunatsinni ilinniagaq maani sulinissamut naleqqussagaavoq.

Nunatsinnut naleqqussaaneq ilaatigut ujaaseriaatsimut SAR-imut tunngasunik imaqarpoq. Aammalu imminut toquttunut, nakuusertunut kinguaassiutitigullu kanngutsaatsuliornernut immikkoortoqarluni. Tamakkuupput Kalaallit Nunaanni politiitut sulisut siumortuartagaat.

"Nunatsinni politiitut sulilersussat piareersarniarlugit taama iliorput. Aamma basisuddannelsemi politiitut sulinermi nammineerluni pilersaarusiorsinnaaneq ilinniassavaat. Ilinniarnerup katitigaanerata avataatigut suliassamut ajornakusoortumukarluni qanoq ajunnginnerpaamik naammassinnissinnaaneq aamma ilinniarneqassasoq, Kalaallit Nunaanni politiit pisortaat Lars Kirkegaard oqaluttuarpoq.

Ilinniartut tunngaviusumik ukiuni marlunni ilinniareerunik politiitut taaguuteqalissapput. Pisinnaasatilli ilinniaqqinnermikkut suli ineriartorteqqissavaat, taamaalillutik politiqarnerup iluani arlalinni immikkut ukkataqarsinnaanngorlutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat