Politiit ulapputtut
Aqqusinerni aalakkuttut, angerlarsimaffinni eqqissiviilliornerit aalakoorlutillu biilertut. Aasianni politiit sapaatip akunnerata naanerani suliassaaleqinngillat.
Allattoq Louise M. Kleemann
Aasianni Nipiaa Rockfestivalertoqarnera skat-imillu utertoornerit ataatsikkoornerat peqqutaalluni Aasiammiut pisarnermit annertunerusumik fiistassimapput.
Politiit sapaatip akunnerata naanerani 15-eriarlutik kalerrinneqarsimapput.
- Sapaatip akunnerata naanerani nalinginnaasumik ataatsimik sulisoqartarpoq, festivalertoqarneralu peqqutaalluni sulisut sisamanut amerlineqarput, Arne Sandgreen Reimer Aasianni politiineersoq oqarpoq.
Annertunerusumillu pisoqarsimannginnera nuannaarutissaasoq taassuma oqaatigaa.