Politiit toqutsinermut atatillugu angut ujaaraat

Tamatumunnga atatillugu angut ujaarineqarpoq. Politiit imerniartarfiup eqqaanut iggiaanut sisamanngornermi ullaakkut arfineq pingasut missaanni aggersarneqarput.

Inuup pigisarisinnaasai aallu inummit allamit nassaarineqarsimapput. Nassaarineqartunilli piginnittoq nassaarineqarsimasinnaanani.

Angut iggiaani sikup ataaniittoq toqungasoq nassaarineqarpoq, politiillu paasiniaanerisa kingorna toqusutut nalunaarutigineqarpoq.

AAMMA ATUARUK Nuummi toqungasumik siumuisoqarnera politiinit misissuiffigineqarpoq

Politiit naapertorlugit suliaq toqutsisimasutut misissorneqarpoq, angullu suliamut attuumassuteqarsinnaasoq ujaarineqarlerluni.

Angut ujaarineqartoq 170-180 centimeteriuvoq, taartumik jakkeqarpoq qarlippaaqarlunilu. Angut taanna sumiiffimmiit qimagukkami kitaatungaatigoorsimavoq.

Pub Nuanimi sisamanngornerup ullaassaani ataatsip pingasullu akornanni inuit tassaniissimasut politiinut saaffiginneqquneqarput imaluunniit 701448-mut saaffiginneqquneqarput.

Inuillu Iggiaaniissimasut paasissutissaateqarsinnaasut politiinut aamma saaffiginneqqunneqarput.