Politiit takunnissimasussarsiortut: Oqarasuaatit angallattakkat, tupat kiliortortakkallu kiap Pilersuisuimit tillippai?

Kangerlussuarmi Pilersuisumi sapaatip akunnerata matuma siorna tillinniartoqarpoq. Politiit tillinnianik nassaarinninnissaminnut ikiorneqarusupput.
Politiit suliaqarnerannut iluaqutaasinnaasumik takusaqarsimavit imaluunniit tusagaqarsimavit, taamaappat Kangerlussuarmi Politiinut oqarasuaammut 70 14 23-mut sisanersinnaavutit. Assi © : Christine Hyldal/ KNR
Allattoq Nutaarsiassaqartitsivik / Nyhedsredaktionen
novembarip 03-at 2023 11:47
Nutserisoq Connie Fontain

Tillinniat Kangerlussuarmi Pilersuisumut tallimanngormat kingullermik tillinniartoqarnerani oqarasuaatit angallattakkat sisamat tilleqarput.

Iphone12, Iphone15, Xiaomi Redmi 9AT qorsuk, Samsung Galaxy S21-lu killinneqarput.

Kiliortortakkat ”amerlasuut”, cigarettillu Princenik Lookinillu meqqillit aamma tillinneqarsimasut, Kalaallit Nunaanni Pilitiit tusagassiuutinut nalunaarummi allapput, taakkulu cigarettit kiliortortakkalluunniit qanoq amerlatiginerat allanngilaat.

Tillinniartoqarnera oktobarip 27-anni tallimanngornermi nalunaaqutaq 20.00-ip 21.00-illu akornanni pivoq, politiillu tillinnianik suli tigusarinninngillat. Taamaammat ikiorneqarusupput. Politiit suliaqarnerannik ingerlatitseeqqissutaasinnaasumik takusaqarsimaguit tusagaqarsimaguilluunnit Kangerlussuarmi politiinut oqarasuaammut 70 14 23-mut attaveqarsinnaavutit. Tillitanik tuniniaaffigineqarsimaguit politiit aamma tusarfigerusuppaatit.

Tillitanik pisineq pineqaatissiissutaasinnaasoq, politiit tusagassiuutinut nalunaarummi erseqqissaassutigaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Greenland Ruby akiliisinnaajunnaartoq

Nuummi inuusuttuuneq pillugu atuakkiortoq Debora H. Kleist atuakkamik saqqummersitsivoq.

Ritzau

USA Ukrainep illersornissaqarfianut ikiorsiissuteqartoq