Politiit takonnariaq ujarunnaaraat
Yat Wui Cheungip Sisimiut Kangerlussuullu akornanni aqqut ”Arctic Circle Trail”-imik taaneqartartoq artorsimavaa, Itinnermilu sisamanngornermi juulip 14-iani nerisassiortoq kingullermik takuneqarluni.
Takornariat pisuttut tammaaneqartoq qiimalluni nuannaarpasittoq takuaat. Taava Itinneq avannaqqullugu kangimut aallarpoq.
Tammaaneqartoq angutaavoq Asiamiusut isikkulik, isarualik, sungaartumik jakkilik taavalu aappaluaartumik nammattagaqarlunilu aappalutumik qaamasumik taskeqartoq.
Politiit helikopterimik nuna Itillinnguamiit Kujammut Kangerlussuarmut avannamullu Isortorsuarmut taavalu Kangerlussuup kangiani sermip tungaanut arfininngornermit ataasinngornermut ujaasiffigaat, tammaaneqartorli nassaarinagu.
Aamma takorniariat Sisimiuniit Kangerlussuamut illuanullu aqqutikkut ingerlaarsimasut apersorneqarput, kisianni arlaannaannilluunniit Itinnermit kangisinnerusumi Yat Wui Cheung takuneqarsimanngilaq.
Yat Wui Cheung pillugu paasissutisiisinnaasut Sisimiuni politiinit saaffiginninnissaannik qinnuigineqarput, oqarasuaatikkut 701322, tassa 701322.