Politiit sapaatip akunnerta naanerani ulapaarsimapput
Aasianni Maniitsumilu politiit sapaatip akunnerata naanerani ulapissimapput.
Aasianni angut 40-t sinnerlugit ukiulik ujaarineqarsimavoq. Politiit angallataat umiatsiaaqqallu ujaasiartorlutik aallarsimapput umiatsiaaraq Aasiaat Qasigiannguillu akornanni inuttaqarani saavittoq nassaarineqareersorlu, Jack Nathansen politiit pisortarigallagaat taama nalunaaruteqarpoq.
Angut nassarineqanngilaq. Ujaasineq maanna unitsinneqarpoq - angut imaanut nakkarsimasorineqarpoq ajunaarlunilu, Jack Nathansen Aasiaat politeeqarfianit nalunaaruteqarpoq.
Maniitsumi politiit aamma ippassaq ulapaarsimasut Otto Thorsen pigaartuusoq taama nalunaaruteqarpoq. Ippassaq ualikkut politiit nalunaarfigineqarput umiatsiaq Kangerlussup qaqqartaasa ilaannut aporeersorlu inuk tupaqqalluni Kangerlussuup nunataanut niusimasoq kingornalu tammarluni.
Politiit iluatitsinatik umiatsianik sinerissamiittunik VHF-ikkut attaveqarniarsarisimapput ajoqusersimasinnaasunik paasiniaallutik. Angut 21-inik ukiulik tupaqqasoq ilaaqataalu naggataatigut nassaarineqarput. Angutit ikimerngi suliaritikkiartorlugit Kangaamiunut Kangerlussuarmullu ingerlanneqarsimapput.
