Politiit sapaatip akunnerata naanerani ulapaarsimapput
Inatsisartut siulittaasuata Jonathan Motzfeldtip kiataannaanik inuusaliaq serlersaarfigineqarsimavoq.
Inuusaliaq taanna qalipaammik sungaartumik kinaagaluarnersumit kuillugu qalipanneqarsimavoq, soorlu graffittitut isikkoqangajattumik.
Webaviisi naggat gl ullumi taama allappoq.
Politiit tamatumunnga akuliussimanngillat, qalipaataannaammallu naatsorsuutigineqarpoq, inuusaliaq aqagu eqqerumaartoq.
Nuummi politiit sapaatip akunnerata naanerani ulapaarsimaqaat, pinartunilli pisoqarsimanngilaq. Taamaakkaluartorli Nuummi tatsit tamarmik eqqaanni allagartalersuisimapput, meeqqat sikumi pinnguarniartaqqunagit, tatsimmi sikusimaneri suli saattunnguummata navianarpallaarpoq sikumiinniarsarinissaaq, Nuummi Politeeqarfimmi pigaartoq, Per Langborg Radioaviisimut taama oqaluttuarpoq.
