Biilip 22-nik ukiulimmik sakkutuumik aporsisup videoliarineqarnera politiinit pingasunngornermi saqqummersinneqarpoq. Biili Peugeot 206-itut angissuseqarpoq qaamasumillu qalipaateqarluni. Assi: Midt- og Vestjyllands PolitiAssi: Midt- og Vestjyllands Politi

Politiit sakkutuumut aporsisumut atatillugu paasissutissarpassuarnik tunineqartut

Angutip 22-nik ukiullip Kalaallit Nunaanninngaaneersup Danmarkimi timmisartoqarfiup Karup eqqaani biillinit aporneqarluni ajunaartup Jyllandip qeqqani kitaanilu politiivinit suli paasinianeqarpoq.

Politiit paasissutissanik nutaanik, 50-it missaannik amerlatigisunik pingasunngornermi sisamanngornermilu tigusaqarput, TV-qarfik Midvest taama allaaserisaqarpoq.

- Paasissutissat pissarsiagut misissuiffigaagut. Saaffiginnissutigineqartut tamaasa misissuiffigaagut, politikommisæri Chrisitian Toftemark oqarpoq.

Politikommissærip ilanngullugu paasissutissiissutigaa biilinik apuisoq suli kinaassuserneqanngimmat, taamaattumillu innutaasut kaammattorpai, paasissutissanik peqarunik saaffiginneqqullugit.

Biili angummik 22-nik ukiulimmik apuisoqarnerani atorneqartup videoliarineqarnera pingasunngornermi poliliit pisortatigoortumik saqqummiuppaat.

Flugtbilist-Politi-overvågning

Biili pineqartoq biilit Peugeot 206-it angeqqatigaat, qaamasummillu qalipaateqarluni.

AAMMA ATUARUK Biilimik apuereerluni qimaasup videoliarineqarnera politiit saqqummersikkaat

Politiit ujaasinerminni aamma ujaaraat biili varebiileq taassuminnga aquttoq apuisup biiliinik paasissutissaateqarsinnaammat.

Angut 22-nik ukiulik Karupimi timmisartoqarfiup isaariaata eqqaani ataasinngornermi aporneqarluni ajunaarpoq. Aporneqartoq uummarsarneqaraluarpoq annaanneqarsinnaasimananilu.

KNR-ip paasissutissaatai naapertorlugit angut 22-nik ukiulik ajunaartoq Aasiaat eqqaaninngaaneersuuuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat