Politiit saassussisut ujaaraat
Nuummi tillinniarnertalimmik saassussisoqarsimaneranut atatillugu nummi politiit inuit marluk ujaaraat.
Angut 20-nik ukiulik angutinik arfinilinnit kattutsilluni inissiarsuit ilaanni blok 17-ip opgangiani ualeq manna nalunaaqutaq marlunut aningaasiveersilluni saassutsissimavoq.
Angutip allap saassutsittoq ikiorniarsimagaluarpaa, iluatsinngitsumik. Angut ikiuiniaraluartoq aamma arlaleriarluni tilluartissimavoq.
Angutit inuusuttut saassussisut 16-it 18-illu akornanni ukioqassangatinneqarput, taakkunanngalu marluk atisaatigut ilisarnaatai nuummi politiinit saqqummiunneqarput.
Siulleq aappaluttumik nasaqarpoq taartumillu tuiisigut aappaluttortalimmik kavaajaqarluni, qarliilu qasertuullutik.
Inuussuttuaqqat saassussisut aappaa qernertumik nasaqarpoq sungaartumik kavaajaqarluni qasertunillu qarleqarluni.
Sassussisimasut sinnerisa isikkui Politiinit paasineqarsimanngillat, saassussinermullu ilisimannittoqarpat politiinut saaffiginnittoqarsinnaavoq oqarasuaammut 32 14 48-mut sianertoqarsinnaavoq.
