Narsaq Politiit saassussisumik takunissimasunik oqaloqateqarusupput
Nunatsinni politiini pigaartut arfininngornermi nalunaarfigineqarput, Narsami arnaq 65-nik ukiulik angummit saassunneqarluni uppisinneqarsimasoq kivilerneqarsimasorlu.
Tamanna pisimavoq tallimanngornerup arfininngornerullu unnuaani ataatsip missaani Narsami Louisip Aqqutaani.
Arnaq aqqusinikkut pisutsilluni angummit ilisarisimanngisaminit uppisinneqarpoq, arnarlu nillialermat angut qimaasimalluni.
Angut saassussisoq qorsummik allalimmik kavaajaqarsimasoq, politiit tusagassiuutinut nalunaaruteqarlutik taama allapput .
Pisimasumut paasissutissateqaraanni NARSAMI POLITIIT saaffigineqarsinnaapput uunga tlf.nr- mut sianerluni 70 11 24 imaluunniit 70 14 48.