Politiit saassussisoqarneranut ilisimannittussarsiortut
Kalaallit Nunaanni Politiit pingasunngornermi unnukkut saassussisoqarneranut ilisimannissinnaasunik ualeq manna ujartuipput.
Eqimattat 26-nik ukiulimmut saassussisimasut, politiit tusagassiuutinut nalunaarummi allapput, taakkulu ilisimannittussarsiorput.
Saassussineq Sisimiuni najukkami Christian 28-p Aqq. 12-imi pingasunngornermi unnukkut unnuap-qeqqanngilaartoq – tassa nalunaaqutaq 23.48 – pivoq.
- Pinerluuteqartut arfineq-marluk tikillugit amerlassuseqartut sumiiffimmit umiarsualiviup tungaanut majuartarfikkoorlutik qimaguttut pineqarput. Pineqartut taartunik atisaqarput. Ataaserlu sungaartoq aappaluaartumik kavaajaqarpoq, politiit allapput.
Politiinut iluaqutaasinnaasunik paasissutissaateqaruit politiit Sisimiuni politiinut 701322-mut attaveqaqquaatsit.
