Politiit qulingiluat qullersatut ilinniartinneqarput

Nunatsinni nunaqavissut politiit ilaat qulingiluat qullersatut Danmarkimi ilinnialeruttorput. Ilinniarneq naatsunngorlugu POL-imik taaguuteqartoq nunatta politiivisa Danmarkimilu politiinngorniarfiup akornanni suleqatigiinnikkut ingerlanneqarpoq.

Peqataasut POL-ernertik naammassigunikku nunatta politiivini naalagaasatut atorfinissinnaassapput, tassungalu atatillugu ilinniartut inuttut ineriartortinneqarnissaat qitiulluinnarpoq.

POL-ereernerup kingorna Kalaallit Nunaanni politiini sulisoqarneq pillugu politikkimik ineriartortitsinissamut ilinniarsimasut peqataanissaat siunniuneqarniarpoq, sulisullu ineriartortinneqarnissaannut ilinniarsimasut peqataaqquneqarsinnaallutik.

Ilinniarneq novembarip tungaanut ingerlassaaq, aqutsinermillu ilinniartinneqarnerup saniatigut, tarnip pissusaanut tunngasut sammineqassapput, soorluttaaq attaveqaqatigiinneq nunallu tamalaat akornanni politiitut suleqatigiissinnaaneq sammineqassallutik.

Nunatta politiivini nunaqavissut amerlanerusut naalagaasatut atorfinitsinneqarnissaat Danmarkimi POL-ernerup periarfissippaa.