Politiit: Qaqortumi Tasersuup ingerlavigineqarnissaa suli navianarpoq
Qaqortumi piffissami kingullermi issilluni tatsit sikujartuleraluartut ingerlaviginissaannut siku suli saappallaarpoq.
Tasersuup sikua nunallu immikkoortuani illoqarfinni tamani tatsit sikui meeqqanit avalaffigineqartalersimanerat politiit maluginiarsimavaat, politiillu tusagassiorfinnut nalunaaruteqarlunik tatsit sikuini ingerlasoqarnissaa sakkortuumik mianersoqqussutigaat.
Taamaammat angajoqqaat paaqqinnittarfiillu politiinit kajumissaarneqarput sikumiinnerup ulorianassusianik meeqqat oqaloqatigeqqullugit.
Tasersuaq isumannaatsumik ingerlavigineqarsinnaanngorpat politiinit tamanna nalunaarutigineqarumaartoq, tusagassiorfinnut nalunaarummi taama allapput.