Politiit pisortaanerat sukkalisaartoq
Allattoq Najaaraq Egede
Danmarkimi politiit pisortaanerat Torsten Hesselbjerg sukkavallaarujussuartumik biilersimanerarneqalerpoq, tiimimut 180 kilometerersorsimanerarneqarami.
Politiit pisortaanerat Sorøp Ringstedillu akornanni motorvejikkoortilluni biilertumit allamit videoliarineqarsimavoq.
Naalagaaffiup politiivisa biilertup qanoq sukkatigisimanera naatsorsorsimavaat, paasisimallugulu pisortaaneq tiimimut 147,7 kilometerersorsimasoq.
Paasissutissat assigiinngissuteqarnerat pillugu angallannermik isumannaallisaaniaqatigiit paasiniaasussanngortitaapput, ingeniørinik ikiortilerlutik. Ringstedimi politiit paasisat tunngavigalugit unnerluussisoqassanersoq isummersorfigissavaat.