Politiit piniartunik ujaasisariaqarsimapput
Politiit piniartunik sapaatip akunnerata naanerani ujarlertarsimapput. Nuummi politiit akiani aavariat angallatiminnik aserortoorsimasut tallimanngormat paasivaat, piniartulli gps-imik sumiissusersiuteqaratillu vhf-imik radioqannginnamik mobilikkut politiit atassuteqarfigisimagaluarpaat, sulili oqaluunniarlutik mobiliat aamma orsuerummat politiit sumerpiaq ujaasissanerlutik nalusimavaat.
oktobarip 15-at 2007 15:25
Imaani nakkutilliisut suleqatigalugit politiit arfininngormat ullaakkut ujarlilerput, Tulugaq timmisartorlu ujaasinermut ikiortiliullugit. Piniartullu taakku marluk ajunngitsut politiit arfininngormat ulloqeqqanut nassaaraat.
Paamiuni politiit aamma ullaaq eqqissiallassinnaanngorput aavartoq ulloq ataaseq peqanngereerluni nassaarineqarmat.
Angut 52-inik ukiulik Paamiut avannamut kangisinnerusortaani ippassaq ullaakkut niuneqarpoq, unnukkut aaneqarnissani isumaqatigiissutigereerlugu.
Angut aaneqaraluarami takkutinngimmat politiit saaffigineqaramik ujaasereerlutik ullaaq nassaaraat.
Angutip aavarfini sungiusimasimanngilaa tammarsimallunilu. Unnuakkut qiiasimagaluarluni angut ajunngilaq, pisaqarsimananili.
