Politiit paasiniaanerat kinguneqanngilaq
Politiit ulluni kingullerni pisoq misissuiffigalugu Saqqamut Qeqertamullu angalagaluarput, iluatsitsinatilli.
Aggustip aallaqqaataanni ajunaalernermik asuleerluni kalerrisaarisoqarpoq, politiillu annertuumik akisoqisumillu asulersuaq ujaasinermik aallartitsillutik.
- Suliamut tunngatillugu ingerlariaqqissinnaanissarput ilimaginngilara, Karl Winther Ilulissat politiianneersoq oqarpoq, taamaattorli innuttaasunit paasitinneqarnissartik suli soqutigalugu.
Ajunaalernermik asuleerluni kalerrisaarineq, Aasiaat Radioannit tusaaneqartoq, politiit uppernarsaatissaanni pingaarnersaavoq, taamaattorli iluamik atorneqarsinnaanani.
- Taamaallaat maanna neriuutigiinnarsinnaavara inuit ajunaalernerminnik kalerrisaarilertinnatik eqqarsarluaqqaartassasut, Karl Winther oqarpoq suliarlu unitsiinnarneqaraluartoq politiit puigunngikkaat erseqqissarlugu.