Kalaallit Nunaata politiivi oqarasuaataat sisamanngornermi nalunaaqutaq arfinernit, arfineq-pingasut tungaanut matoqqagallassaaq. Assi: KNR

Politiit oqarasuaataat unnugu arfernup arfineq pingasullu akornanni matoqqalersoq

Kalaallit Nunaanni Politiit oqarasuaataat 701448 unnugu sisamanngornermi arfineq, arfineq pingasullu akornanni ikkussuisoqarnissaa peqqutigalugu matoqqassaaq.

Arfinernut imaluunnit arfineq pingasut missaani politiit oqarasuaataanut sianissaguit 560112-mut sianissaatit.

Politiit oqarasuaataat 701448 unnugu matoqqagallassasoq, Kalaallit Nunaata Politiivi tusagassiutinut nalunaarummi allapput.

Politiit pgaartuisa oqarasuaataanni ikkussuisoqarnissaa matoqqagallarnissaanut peqqutaavoq.

Taama ilaatigut tusagassiutitigut nalunaarutimminni allapput.

Pigaartut oqarasuaataat aaqqippat Kalaallit Nunaata Politiivisa Facebookkiatigut nalunaaruteqassallutik, ilanngullugu tusagassiutitigut nalunaarummi allapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl