Politiit Nuummi ujaasipput

NUTARTIGAQ: Politiit inuit marluk pineqaatissinneqarsimasunut inissiisarfimmiit Nuummiittumiit qimaasimasut ullumi ujarpaat. Aappaa nassaarineqarpoq aappaali suli ujarneqarluni.
Allattoq Aaqqissuisoqarfik
decembarip 30-at 2015 12:54

Aappaa, 21-nik ukiulik, nassaarineqareerpoq. Nuussuarmi Pisiffiup eqqaani naammattoorneqarsimavoq, pineqaatissinneqarsimasunullu inissiisarfimmut ajornaquteqanngitsumik utertinneqarluni.

Aappaalu suli ujarneqarpoq. Tassa 22-nik ukiulik Minik Dahl, taanna kalaaliuvoq qernertunik nujalik tuanganilu nerinnanngitsoq, taannalu 165 aamma 170 centimeterit akornanni angissuseqarpoq.

Qimaanerminni t-shirtinik qaqortumik kiateqarpoq.

Angutit taakkua pinerluuteqarsimasunut inissiisarfimmiit Nuummiittumiit ippassaq decembarip 29-ani nalunaaqutaq unnukkut qulingiluat missaanni qimaapput. Marluullutik inunnut ulorianartumik pinerluuteqarsimasutut tigummigallagaapput.

Minik Dahl sumiinnersoq nalunngikkaanni Nuummi politiinut saaffiginninnissaq noqqaassutigineqarpoq, oqarasuaammut 70 14 48.

Politiit eqqaasitsissutigaat qimaasimasut toqqorsimaartikkaanni, pasineqarnermik tamanna kinguneqarsinaammat, aammalu pinerluttulerinermi inatsit malillugu pineqatissiinneqarsinnaalluni.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.

Aamma atuaruk