Angutip napparsimmavimmut unitsinneqarnissani nammineq kissaatigisimavaa.Assi: Simon Uldum

Politiit: Nuummi arfininngormat aallaasersortoq napparsimmavimmut unippoq

Angut aallaasilisartoq pissutaalluni Nuummi politiit arfininngormat suligasuarput. Angut napparsimmavimmut unissimasoq, politiit nalunaarutigaat.

- Tarnimigut napparsimasoq takuneqarsinnaavoq, massakkullu Sanamut unitsinneqareerpoq, politiini pigaartut pisortaat Aqqaluk Petersen oqarpoq. Angutip napparsimmavimmut unitsinneqarnissani nammineq kissaatigisimavaa.

Angutip aallaasilisartup nammineerluni politiit attavigisimavai siorasaarlugillu.

- Qanoq siorasaarisimanersoq oqaatigisinnaanngilara, Aqqaluk Petersen oqarpoq, aamma politiit siorasaarisorluuunniit igissimanngitsut erseqqissaatigalugu.

Angutip aallaasilisartup Nuussuup ilaani Atertami takuneqarsimanera pissutaalluni Nuummi politiit arfininngormat suligasuarput.

AAMMA ATUARUK Politiaktion i Nuuk er nu afsluttet

Politiit Peter Th. Høeghip Aqqutaa Manguararlu assersorpaat. Tamaanilu najugallit isersimaannaqquneqarput. Politiit tusagassiutinut taama nalunaaruteqarput.

Politiit suligasuarnertik taamatikkaat inullu ataaseq tigusarineqartoq, politiit nalunaaqutaq arfineq-marlunut tanneq qulingiluanut nalunaarutigaat

Suliaq eqqartuussivimmut suliassanngortinneqartoq, politiini pigaartup oqaatigaa.

Qaammat kingulleq, januaarip 22-ani aallaasersortoqarmat aqqusineq naluttarfiup Maliup eqqaaniit Qinngorput tungaanut matuneqarpoq.

- Suliat taakkua assigiinngillat. Imminnut atassuteqanngillat, Aqqaluk Petersen oqarpoq.

AAMMA ATUARUK Angut aallaaseqartoq Nuummi Qinngorput tungaanut aqquserngup matuneranut pissutaasoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat