Politiit nunarpullu

apriilip 25-at 2005 10:40

Tussiarfimmi sapaatillu akunnerata naanerani nunatsinni illoqarfiit amerlanersaanni inuit eqqissisimasimasut politiinit oqaatigineqarpoq. Qaammatip naajartulernerani inuit aningaasaateqartorsuusimagunanngitsut politiinit arlalinnit oqaatigineqarpoq.

Aasianni tallimanngornermi arfininngornermilu nukappiaaluit 13-nik 14-nillu ukiullit pisiniarfinni tillinnialussimanerat oqaluffimmilu tillinniarlussimaneri eqqaassanngikkaanni annertunerusumik Aasianni pisoqarfiusimanngilaq. Nukappiaqqat mamakujunnik aningaasanillu tillinniaalussimapput, ilaatigut oqaluffiup aningaasanik nakkakaatitsivia imaarsimagaat Aasianni stationslederi Niels Tønnesen oqarpoq. Taasuma ilanngullugu oqaatigaa nukappiaqqat ilaat inunnik isumaginnittoqarfimmut nalunaarutigineqassasoq.

Qaqortumi politeeqarfimmit oqaatigineqarpoq sapaatip akunnerata naanera eqqissisimanarsimasoq, eqqissisimanangaarmallu allaat tasersuarmut timmiaq kusanarluinnartoq, HC Andersen-ip ukiunik 200-liinera eqqorluarlugu, qussuk tasersuarmut missimavoq, innuttaasullu nuannaarutigeqigaat Qaqortumi politiinit oqaatigineqarpoq.