Politiit: Nuna tamakkerlugu juulli eqqissisimaarfiuvoq

Nunarput tamakkerlugu juulli annerusumik eqqissisimaarfiusoq politiit nunap immikkoortuiniittut oqaloqatigisatta oqaatigaat.

Allattoq Niels Krogh Søndergaard, Elisa Isaksen

decembarip 25-at 2014 14:18

- Juullikkut maannamut eqqissisimaarfiupput annerusumillu pisoqarfiunatik, Nuummi politiineersoq KNR-imut taama oqarpoq.

Angerlarsimaffimmi eqqissiviilliortoqarneranik nalunaarutigineqaraluartumi ataatsimi susoqarsimanngitsoq paasinarsivoq.

Kujataani qitiusumik politeeqarfiusumi Qaqortumiittumit oqaatigineqarpoq eqqissisimasumik juullisiortoqartoq, aamma Nanortalimmi Narsamilu.

Ilulissani unnuaq aperujussuarnera kisimi unammillernartuusimasoq, taavani politiineersup oqaatigaa.

- Maannamut juulli eqqissisimasumik nuannersumillu misigaarput, politiini pigaartuusoq oqarpoq.

Qeqqata Kommuniani juulli aamma eqqissisimaarfiuvoq.

- Juulli maannamut eqqissinartumik atorneqarpoq, Qeqqani qitiusumik politeeqarfimmi Sisimiuniittumi pigaartoq, KNR-imut taama oqarpoq.