Politiit nalunaarutiginninneq tiguaat
- Nalunaarutiginninneq tigusimalerparput qaqilerneqassanersorlu politiinit isummerfigineqassaaq, taamatut aalajangiinissaq sapaatip akunneranik sivisussuseqarsinnaavoq, politimesterip tullersortaa Morten Nielsen radioavisimut oqarpoq.
Atuagagdliutini ullumi saqqummersuni ilaatigut allaaserineqarpoq Hans Enoksen, Jonathan Motzfeldt, Jørgen Wæver Johansen kiisalu Tommy Marø innuttaasumit politiinut nalunaarutigineqartut. Tamanna pivoq aviisimi politikerit nuimanerit ilassinnissutinik atuisarsimanerat pillugu saqqummiussisoqaqattaareersorlu.
Politimesterip tullersortaa Morten Nielsen nalunaarutiginninnermik tigusaqarsimanngitsoq ullumi ullup qeqqanut radioavisimi oqaatigineqarpoq.
Ilassinnissutinik atornerluisimaneq pillugu politiinut nalunaarutiginninneq ullup qeqqata kingorna pisimasoq, Nuummi politeeqarfik nalunaarpoq.
