Politiit nalunaarutaat

Decemberip 23-ani unnuakkut nuussuarmi biilit unitsippaat, biilit tillitaasimapput, ingerlatsisorlu aqqaneq marluinnarnik ukioqarpoq, taamaatumillu issiaviup qungatsimut illersuutaa peersimariarlugu isigisaqarsinaajumalluni ingiffigisimallugu. Ilaasorai ilutini, allallu marluk 13-inik 14-inillu ukiullit.
Allattoq Jokum Nielsen
decembarip 27-at 2007 13:02

Nuummi politiit tallimanngormat inissiat arlaannukartariaqarsimapput angut 53-inik ukiulik aalakoorluni qilaamut qoorortuumik igissimammat. Ajoqusertoqarsimanngilaq politiillu takkummata aallaasersortup ini qimareersimavaa, akunnerillu arlallit qaanngiummata illoqarfimmi tigusarineqarsimalluni. Angut akiligassinneqarpoq qoorortoorlu arsaarinnissutigineqartoq vicepolitiinspektør Bent Heiselberg oqarpoq, nangillunilu juulli eqqissimaarfiusimasoq pisoaqarfiungaarnani.

Decemberip 23-ani unnuakkut nuussuarmi biilit unitsippaat, biilit tillitaasimapput, ingerlatsisorlu aqqaneq marluinnarnik ukioqarpoq, taamaatumillu issiaviup qungatsimut illersuutaa peersimariarlugu isigisaqarsinaajumalluni ingiffigisimallugu. Ilaasorai ilutini, allallu marluk 13-inik 14-inillu ukiullit. Meeqqat paaqqinnittarfimmit qimaasimapput paaqqinnittarfiullu biilii tillissimallugit.

Politiit nalunaarumminni gummigedenik ajutoorneq ilaatigut aamma taavaat, ajutoornermi angut 55-inik ukiulik aalakoortoq gummigedenik ajutoorsimavoq, angut kørekortiiagaaqqalluni, aalakoorlunilu ingerlatsisimasutut unnerluutigineqassaaq.