Politiit nakuusertoqarneranik ilisimannittussarsiortut
Politiit inuit tallimat sapaammi unnukkut kattussilluni saassussinermi pinerluttuusorisatik maanna ujaaraat.
Saassussineq nalunaaqutaq 23.11 nalunaarutigineqarpoq, tamannali umiarsualivimmut qanittumi illoqarfimmut ikaartarfimmi nalunaaqutaq 22.11 pisimasoq, pigaartut pisortaata Aputsiaq Hansenip oqaatigaa.
Angut inuusuttoq saassunneqartoq uppitinneqarluni arlaleriarluni isimmittarneqarlunilu tilluarneqarnermini timimigut niaqqumigullu ersittunik ajoqusersimasoq, pigaartut pisortaata oqaatigaa.
Kikkulli saassussisuunersut politiit suli qulakkeersimanngilaat. Taamaammat Sisimiuni innuttaasunit maanna ikioqqupput.
- Inuit Sisimiuni sumiiffimmi tassani ippassaq piffissap taamaalinerani tusagaqarsimasut, takusaqarsimasut imaluunniit eqqumiitsumik maluginiaqarsimasut tusarfigerusuppagut, pigaartut pisortaat oqarpoq.
Politiit ujaasinertik una pillugu illoqarfimmi toqqissisimannginnermik pilersitserusunngillat, suliarli maanna misissuiffigeqqissaarpaat uanilu innutaasut ikiuunnerat iluaqutaasinnaasoq, Aputsiaq Hansen erseqqissaavoq.
- Inuit tallimat ujartorpagut, taamaalilluta suliami killisiorsinnaassallutigit, taanna oqarpoq.
Politiinut iluaqutaasinnaasunik paasissutissaateqaruit politiinut oqarasuaammut 70 14 48-mut sianersinnaajuaannarputit.
