Politiit: Meeqqanut kannguttaatsuliornissamik oqaloqatigiinnerup assilineri siammarterunnaarsigit

Kalaallit Nunaanni Politiit inoqatinut attaveqatitigut assit maanna siammartarneqaleruttortut pillugit suliaq tiguaat.
Inoqatinut attaveqaatitigut pinerluuteqarnermik ilaqartumik nassinneqaruit politiinut attaveqassaatit, Kalaallit Nunaanni Politiit oqarput. Assi © : Matt Madd/Flickr Creative Commons
januaarip 14-at 2022 12:12

Assi ingerlateqqinnasiuk aamma nakuusernissamut kaammattuuteqarnasi.

Kalaallit Nunaanni Politiit assit inoqatinut attaveqaatitigut siammarterneqartut misissuiffigilersimasatik pillugit marlunnik taama oqariartuuteqarput.

Inuit marluk akornanni oqaloqatigiinnerup assilernera meeqqanik kinguaassiutitigut kannguttaatsuliornissamut tunngavoq.

Nakuusernissamut kaammattuuteqarneq pillarneqaataasinnaasoq

Oqaloqatigiinnermi inuup aappaata aqqa qarasaasiatigut assilisami takuneqarsinnaavoq, politiillu oqarnerat naapertorlugu inunnik assimik siammarterisunik nakuusernissamullu kaammattuisoqarpoq.

Tamanna aamma unitsinneqassasoq politiit oqarput:

- Nakuusernissamut kaammattuuteqarneq imaluunniit siorasaaruteqarneq pillarneqataasinnaavoq, tamannalu pineqaatissinneqarnermik kinguneqarsinnaalluni, Kalaallit Nunaanni Politiit tusagassiuutinut nalunaarummi allapput.

Inoqatinut attaveqaatitigut pinerluuteqarnermik ilaqartumik nassinneqaruit politiit ima siunnersuutissaqarput:

  • Pigaartumut oqara. 70 14 48-mut attaveqarit
  • Imarisaa erngertumik nunguteruk
  • Nittartakkatigut sunik siammarterinerlutit eqqarsaatigiuk