Politiit marluk inullu alla Christianiami aallaasersortoqarnerani eqqorneqartut
Politiit marluk inullu alla aallaasersortoqarnerani eqqorneqarput. Politiip aappaa annertunngikkaluamik aappaatali inuunera suli ulorianartorsiorluni, niaqqumigut aallaaneqarnermini ikilingaatsiarneqarami.
Angut aallaasersortutut pasineqartoq nunatta nalunaaqutaa naapertorlugu ullaassaq nalunaaqutaq sisamanngortoq tigusarineqartoq politiit nalunaarutigaat.
- Angut Kastrupimiittoq nassaarineqarpoq, innuttaasut nalunaarutiginninnerat politiillu suligasuarnerisigut tigusarineqarluni. Angut inissiat ilaanni imminut mattussimavoq qimaariaraluarlunilu. Qimaarialuarnermini aamma aallaasersoqqippoq. Angut pineqartoq politiinit aallaaneqarpoq, inuuneralu aamma ulorianartorsiortoq nalunaarutigineqarpoq, tusagassiortoq Trine Maria Ilsøe oqarpoq.
Pinerlunniat Christianiap ilaani Pusher Streetimiittartut Christianiami innuttaasunit akerlilerneqartariaqartut, Thorkld Fogde, Københavnip politiivineersoq oqarpoq.
