Politiit kujataani anorersuarujussuarsinnaanera aarlerisaarutigaat
Nanortallip eqqaani innuttaasut anorersuarujussuarsinnaanissaa naatsorsuutigisinnaavaat.
Arkiv
Allattoq Kenneth Elkjær
decembarip 20-at 2017 14:47
Nutserisoq Connie Fontain
DMI-p Kalaallit Nunaannilu Politiit innuttaasut sisamanngornermi anorersualerpat mianersornerunissaannit kaammattorpaat. Kujataani innuttaasut pingaartumik Nanortallip eqqaani najugaqartut sisamanngornermi ualikkut eqqugaassapput.
DMI naapertorlugu anorersuaq sisamanngornermi ullaap-tungaani sekundimut 50 meterinik sukkassuseqarsinnaassaaq. Taamaammat politiit innuttaasut pigisatik anorersuarmik tingissinnaasut isumannaatsumik inississagaat kaammattorpaat.
Tamatuma saniatigut politiit umiatsiaraatillit isumannaatsumik inisseeqquaat. Kingullertut, politiit innuttaasut anorersuup sakkortunerpaaffiani isersimaannaqquaat.