Politiit Kattuffiat nunatsinniinnermut koruunit millionit affai atorpai

Danmarkimi aviisi B.T. politiit kattuffiata siulersuisuunerisa aappatik nassarlugit Kalaallit Nunaanniissimanerannik uparuaasuuvoq.

Ilulissamiinneq siorna apriilimi ulluni tallimani aallaqqanermik kinguneqarsimasoq 600.000 koruuneqarpoq. Ulloq ataasiinnaq ataatsimiiffissatut immikkoortinneqarsimasoq. Ullut sinneri angallammik angalanermut, qimussernermut, qimuttunik alakkaanermut, sermersuarmut takornariarnermut allanullu atorneqarsimasoq, B.T.-p allaaseraa.

- Kalaallit Nunaat Danmarkimi politiit akisussaaffiinut ilaavoq. Kalaallit Nunaaliarnissarput toqqarparput Kalaallit Nunaanni politeeqarneq ukiunik 25-nngortorsiormat, Politiforbundet-p siulersuisuini siulittaasoq Peter Ibsen B.T.-mut oqarpoq.

Erseqqissaavoq, aapparmik peqataanerannut sammisanullu Kattuffik aningaasartuuteqanngitsoq.

Inuit katillutik 55-it peqataapput, taakku ilaat 28-t kattuffiup siulersuisuunerineerput.