Politiit juullikkunni suliassaqarpallaarsimanngillat
Politiit juullikkunni eqqissiviilliortunut arfineq-marloriarlutik orniguttariaqarsimapput. Tamatuma saniatigut tillinniarnerit sisamaasimapput, politiillu illunut tillinniarnerit marluk aamma suliarisimavaat. Juullilernerani nakuusernerit tallimaasimapput, taakkulu rekordimut nuannerpallaanngitsumut tunngavilersuipput. Ukiumi qaangiutilersumi nakuusernerit 241-simapput, kisitsisillu taakku qaffasippallaarujussuarput.
Angerlarsimaffimmi eqqissiviilliornerit aamma amerlavallaarput. Nakuusertoqarneranik nalunaarutiginninnerit 80 %-iisa angerlarsimaffimmi eqqissiviilliortoqarneranik aallaaveqartutut nalilerneqarput, (ilisarisimasaqatigiit inooqatigiittullu akornanni assortuunnerit), angerlarsimaffimmi pisut imaluunniit angerlarsimaffimmi naapeqatigiittoqarneranut atatillugu illuatungeriit imigassartorsimanerisa kingunerisaanik.
Politiit innuttaasut imigassartorpallaannginnissaannut assortuussuteqarnerillu imigassartorsimanani iluarsiniarneqarnissaannut sunnersinnaasuugunikkit, nakuusertoqarsimaneranik nalunaarutiginninnerit amerlassusaat malunnaatilimmik apparsarneqarsinnaassagunaraluarput.
Nakuusertoqarneranik nalunaarutiginninneq ataasiinnaagaluarpalluunniit, tamanna akuerineqarsinnaanngilaq, politiillu juullikkunnisulli nakuusertoqarneranik nalunaarutiginnittoqarani ukiup naaneqarnissaa neriuutigaat.
