Politiit Issittumilu sakkutuut aqisserniaq ujaarigaat
Angut aqisserniartoq ippassaq ualisoq taammaaneqarluni nalunaarutigineqarpoq, ullumilu ajunngitsoq nassaarineqartoq, Kalaallit Nunaanni politiit nalunaarput.
- Sumiinnini nalulersimagaa, kisianni ajunngitsoq nassaaraarput, pigaartut pisortaat oqarpoq.
Allattoq Anders Dall, Marie Kûitse Kristensen
oktobarip 26-at 2020 10:14
Akiani Nuup kitaatungaani aqisserniaq, isumaqatigiissut malillugu angerlanngitsoormat ippassaq nalunaaqutaq arfininngoriartornerani tanneq arfineq pingasut politiinut nalunaarutigineqarpoq. Nalunaartoqareermat politiit qulimiguulik atorlugu, politiillu angallataat atorlugu ujaasineq annertunerusoq aallartippaat.
Issittumi Sakkutooqarfiup umiarsuaataa Ejnar Mikkelsen ujaasinermi aamma atorneqarpoq.
Ujaasineq ippassaq ullaarlu ingerlanneqarpoq, ullaarlu ujaarineqartoq ajunngitsoq nassaarineqarpoq. Kalaallit Nunaanni politiit piaartuisa pisortaat, Jan Geisler taama paasissutissiivoq.
- Sumiinnini nalulersimagaa, kisianni ajunngitsoq nassaaraarput, pigaartut pisortaat oqarpoq.
