Politiit: Inuit eqqissisimasimaqaat
Sapaatip akunnerata naanerani inuit eqqissisimasimasut Nunatsinni politiit nalunaarutigaat.
Aavarialli marluk sisamanngornerup tallimanngornerullu unnuaani tammartut tallimanngormat ullaakkut qulimiguulimmik aaneqartariaqarsimapput.
Taakku Nuup Kangerluani Natsilimmut aavariarsimapput, tammarsimallutilli.
Sumut ingerlariaqqinnissartik nalulerlugu silami unnuereerlutik, tallimanngornikkut ullaakkut qaqqajunnap qaavaniit oqarasuaammik angallattakkamik attaveqarsinnaanertik paaseriaramikku Nuummi politiinut attaveqarput, tallimanngormallu ulloqeqqata kingorna qulimiguulimmit nassaarineqarput.
Tamatumunnga atatillugu politimesterip tullia Morten Nielsen oqarpoq, inuit nunamut ilisimanngisaminnut pigaangamik GPS-imik nassartarnissaat, tassa sumiiffitsik ilisimaniassammassuk, aamma angallattakkamik VHF radiumik nassataqartarnissaat politiit innersuussutigigaat, taamaalilluni ikiortissarsiornermi oqarasuaat angallattagaq kisimi isumalluutigineqannginniassammat.
Qulimiguulimmik annaassiniarneq kikkunnit akilerneqassanersoq politiit kingusinnerusukkut isummerfigiumaaraat, Morten Nielsen oqarpoq.
