Politiit Ilulissani ujajaasoqarneranut suli takunnissimasussarsiortut

Kalaallit Nunaanni Politiit Ilulissani taxartitsisoq angutinit marlunnit ujajaaffigineqarnera pillugu arfininngornermi unnukkut nalunaaqutaq qulit missaanni nalunaarfigineqarput.

Angutit taxartitsisoq aningaasaataanik arsaarniarlugu qunusaarpaat, tamatumalu kingorna Ilulissani Nammaarfimmut qimaallutik.

Kalaallit Nunaanni Politiit ujajaasoqarnerata kingorna angutit marluk ujaarilerpaat, suliamullu atatillugu tigusarinninnermik tiguneqartumik suli saaffigineqaratik.

Taamaammat politiit pisumut atatillugu takunnissimasinnaasut ilisimannittuusinnaasullu Kalaallit Nunaanni Politiinut attaveqarnissaannik aamma kaammattuuteqarput.

Angutip aappaa 30-t 35-llu tungaanut ukioqarpoq kalaallisut isikkoqarluni. Taanna 165 centimerit missaanni angissuseqarpoq saluttuusinnaavoq aamma nalinginnaasumik timaa iluseqarluni. Taanna qernertumik nasaqarpoq taartumillu qalipaatilimmik jakkeqarluni. 

Angutip aappaa aamma kalaallisut isikkoqarpoq 30-t ataallugit ukioqarpasippoq, taannalu tungujortumik qalipaatilimmik jakkeqarpoq.

Suliamut atatillugu paasissutissaateqaruit Politiit Pingaartuisa oqarasuaataannut oqarasuaammut +299 70 14 48 sianersinnaavutit.