Politiit ikuallattumik misissueqqissaarnissanut danskinit ikiorneqartut

Usisaatip qullersaqarfittaava marlunngornermi unnukkut ikuallappoq. Kalaallit Nunaannilu Politiit ikuallattup pissutaa namminneerlutik paasisinnaanngilaat.

Usisaatip qullersaqarfittaavata ikuallanneranut atatillugu misissuinermut ikiuiartortut Danmarkimit Nuummukariartorput.

Nuummi Iggiaani Royal Arctic Linellu umiarsualiviani illorsuaq marlunngornermi unnukkut ikuallappoq.

Illorsuarmi quersuaqartussaavoq – taannalu qaammatip tullianit atulerneqartussaagaluarpoq.

Kalaallit Nunaanni Politiit ikuallattumik siullermeertumik ippassaq misissuipput tassanilu ikuallattoqarneranut pissutaasumik paasisaqarnissamut Danmarkimit ikiorneqarnissaq pisaqartoq takutinneqarpoq. Pissutaasoq politiit paasisinnaanngilaat.

Kalaallit Nunaanni Politiini pigaartut pisortaat, Malik Olesen oqaluttuarpoq.

- Paasiniaanermi paasisaqarluarnissatsinnut Danmarkimiittunut ikioqquvugut, pigaartut pisortaat KNR-mut oqarpoq.

AAMMA ATUARUK Usisaat illorsuarmi ikuallanneq pillugu: Atuisartunut kinguneqassanngilaq

Danmarkimit ikuallannermut misissueqqissaartartut marluk ikuallannermullu teknikeri Dansk Brand- og Sikrings Instittimeersoq pineqarput.

Taakku tallimanngornermi tikinnissaat pilersaarutaavoq.

Pigaartut pisortaata illorsuup eqqaata suli assersorneqarnera oqaatigaa, misissueqqissaarnermilu taamaakkallassanerarlugu.

Politiit ikkuallanneq pillugu marlunngormat unnukkut qulingiluat qaangilaarneranni nalunaarfigineqarput, ikkuallattorlu unnuap qeqqata missaani qaminneqarpoq.

Politiit oqarnerat naapertorlugu illorsuaq marlunnut avissimavoq, illorsuullu avannarpasinnertaaniittoq ikuallalluni.

Ikuallattoqarneranit pujornera pissutigalugu inuit piffimmut qanillissanngitsoq politiit marlunngornermi unnukkut kaammattuutigaat.

Ikuallattumiillu ulorianartumik pujuliortoqarsinnaanera pissutigalugu piffiup eqqaani najugaqartut illup iluaniiginnarlutik igalaanik matoqqatitsinissaannik aamma piumaffigineqarput.

Ikuallattoqarneranut atatillugu ajoqusertoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat